Qala qəsəbəsində “Ekoloji park”ın açılışı olmuşdur ([YENİLƏNİB])
Bakı, 19 sentyabr (AZƏRTAC). Sentyabrın 19-da Neftçilər Günü ərəfəsində Xəzər rayonunun Qala qəsəbəsində Azərbaycan Respublikası Dövlət Neft Şirkəti (ARDNŞ) tərəfindən salınan “Ekoloji park”ın açılışı olmuşdur.
AZƏRTAC xəbər verir ki, ARDNŞ tərəfindən həyata keçirilən ən mühüm ekoloji layihələrdən biri olan “Ekoloji park” neftlə çirklənmədən təmizlənmiş 9,3 hektar sahədə yaradılmışdır. Burada elektrik enerjisinə tələbatın 40 faizi alternativ enerji mənbələri hesabına təmin olunacaqdır. Həmçinin, parkın ərazisində hər biri 10 kilovat-saat enerji hasil etmək üçün 4 külək generatoru, eləcə də ümumi gücü 20 kilovat-saat olan günəş batareyaları quraşdırılmışdır. Alternativ enerji mənbələrinin hesabına hasil olunacaq elektrik enerjisinin ümumi həcmi 60 kilovat-saat təşkil edəcəkdir.
Parkda, həmçinin nadir və kökü kəsilməkdə olan kol və ağac bitkilərinin çoxaldılması da nəzərdə tutulmuşdur.
X X X
Sentyabrın 19-da, həmçinin Nizami rayonunda ARDNŞ-in prezidenti Rövnəq Abdullayevin iştirakı ilə Sosial İnkişaf İdarəsinin Gənc Mütəxəssislər Evinin açılışı olmuşdur.
Bölmənin digər xəbərləri
