“Qanım bayrağımdadır” adlı aksiya davam edir
Bakı, 12 iyul, AZƏRTAC
Respublika Gənclər Kitabxanasının “Qanım bayrağımdadır” adlı aksiyası davam edir.
Kitabxanadan AZƏRTAC-a bildirilib ki, layihə çərçivəsində 44 günlük müharibədə adını Azərbaycanın şanlı tarixinə yazdıran qəhrəmanlardan bəhs edən videoçarxlar hazırlanır. Aksiya çərçivəsində şəhidlər Xudayar Yusifzadə, İsmayıl Qədirli , Seymur Cabbarov və başqaları haqqında silsilə videoçarxlar hazırlanıb. Videoçarxlarda igid oğullarımızın həyatı, uşaqlıq və gənclik illəri, döyüş yolu və şəhidlik zirvələrinə ucalmaları haqqında geniş, maraqlı və təsirli dil ilə məlumat verilir. Videoçarxlara baxmaqla izləyici öz qəhrəmanlarını “tanımadığı doğmaları” kimi tanıyır. Materiallarda çoxsaylı foto və videogörüntülərdən də istifadə olunub.
Hazırda layihə uğurla davam etdirilir.
Bölmənin digər xəbərləri
