Qazaxıstan Azərbaycana alüminium ixracını 8 dəfə artırıb
Astana, 12 iyul, AZƏRTAC
Bu ilin ilk dörd ayında Qazaxıstanın alüminium ixracının həcmi 4,7 dəfə artaraq 16 min tondan 75,4 min tona çatıb.
AZƏRTAC Qazaxıstanın Sənaye və Tikinti Nazirliyinə istinadla xəbər verir ki, bu artım Azərbaycandan tələbatın 8 dəfə (5,5 min tondan 43,1 min tona), Özbəkistandan isə təxminən 10,5 dəfə (0,2 min tondan 2,1 min tona) artması hesabına baş verib.
Nazirliyin məlumatında qeyd olunur ki, həmçinin Belarus, Bolqarıstan, İtaliya və Polşa kimi ölkələrə də ixrac coğrafiyasının genişlənməsi bu artıma təsir göstərib.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
