Qazaxıstanda avtomobil qəzası beş nəfər Qırğızıstan vətəndaşının həyatına son qoyub
Bişkek, 2 avqust, AZƏRTAC
Qazaxıstanın Kızılorda vilayətinin Karmaşin rayonunda yük və minik avtomobilləri toqquşması nəticəsində beş nəfər həlak olub.
AZƏRTAC Qırğızıstan mətbuatına istinadla xəbər verir ki, ağır yol-nəqliyyat hadisəsi nəticəsində minik avtomobilində olan səkkiz nəfər Qırğızıstan vətəndaşının beşi hadisə yerində ölüb. Ağır xəsarət alan digər üç nəfər xəstəxanaya çatdırılıb.
Yük maşınının sürücüsü xəsarət almayıb.
Hadisənin baş vermə səbəbləri araşdırılır.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
