Qəbələdə 11-ci Beynəlxalq pestisidlər forumu keçiriləcəkdir
Bakı, 5 sentyabr (AZƏRTAC). Sentyabrın 7-dən 9-dək Qəbələdə 11-ci Beynəlxalq pestisidlər forumu keçiriləcəkdir. Azərbaycan Respublikası Ekologiya və Təbii Sərvətlər Nazirliyi (ETSN) və Beynəlxalq Pestisidlər Assosiasiyasının təşkil edəcəyi forumda Avropa Parlamentinin, beynəlxalq elmi-tədqiqat mərkəzlərinin, Avropa və MDB ölkələrinin dövlət və qeyri-dövlət təşkilatlarının nümayəndələri iştirak edəcəklər.
Bu barədə AZƏRTAC-a ETSN-in mətbuat xidmətindən məlumat verilmişdir. Forum Qafqaz və Orta Asiya ölkələrinin ətraf mühitdə pestisidlərlə bağlı problemlərinə həsr olunacaqdır.
Tədbir çərçivəsində Qəbələ Bəyannaməsinin qəbul ediləcəyi də nəzərdə tutulmuşdur.
Bölmənin digər xəbərləri
