QHT sədri: Prezident İlham Əliyevin yürütdüyü siyasət humanizm prinsiplərinə əsaslanır
Bakı, 8 may, AZƏRTAC
Prezidentin son əfv Sərəncamı böyük ictimai əhəmiyyət kəsb edən bir hadisədir.
Bu fikri AZƏRTAC-a açıqlamasında Azərbaycan-Amerika Gəncləri İctimai Birliyinin sədri Vüqar Əhmədov deyib.
O qeyd edib ki, bu humanizm prinsiplərinə əsaslanan geniş bir amnistiya aktıdır. Prezident İlham Əliyevin qərarı humanistliyin nümunəsi, ölkəmizdə insana verilən dəyərin təzahürüdür. Prezident ona ünvanlanan müraciətləri nəzərə alaraq Ümummilli Lider Heydər Əliyevin 100 illik yubileyi münasibətilə bu humanist addımı atıb.
QHT sədri qeyd edib ki, Prezidentin yürütdüyü siyasət humanizm prinsiplərinə əsaslanır. Ölkədə insan hüquq və azadlıqları yüksək səviyyədə qorunur və bu sahədə Azərbaycanın tərəfdaş çıxdığı beynəlxalq konvensiyalar nəzərə alınır. Bu isə Azərbaycanın insan hüquqları və azadlıqları sahəsində beynəlxalq təşkilatlarla fəal əməkdaşlığını bir daha nümayiş etdirir. Siyasi fəaliyyəti olan, lakin eyni zamanda, konkret cinayət tərkibli əmələ görə islah olunan şəxslərın azad olunması da bu baxımdan təqdirəlayiq hesab olunur. Ümumilikdə bu amnistiya aktı Azərbaycanın dünyəvi dövlət olmasının ən bariz nümunəsidir.
Bölmənin digər xəbərləri
