QIRĞIZISTANDA QOZ VƏ ARDIC AĞACLARININ KƏSİLMƏSİNƏ ÜÇİLLİK MORATORİUM QOYULMUŞDUR
AZƏRTAC İTAR-TASS-a istinadla xəbər verir ki, Qırğızıstanda qoz və ardıc ağaclarının kəsilməsinə üçillik moratorium qoyulmuşdur. Prezident Kurmanbek Bakiyevin fərmanında deyilir ki, qadağa qədim qoz və ardıc meşələrinin qorunub saxlanması, habelə ekoloji vəziyyəti sabitləşdirmək məqsədi ilə tətbiq edilir.
Prezident həmin fərmanla hökumətə təbiəti mühafizə qanunvericiliyinin pozulmasına, xüsusilə, qiymətli ağac növlərinin kəsilməsi, emalı və satışına görə məsuliyyətin gücləndirilməsini nəzərdə tutan qanun layihəsi hazırlayıb parlamentə təqdim etməyi tapşırmışdır.
Bölmənin digər xəbərləri
