Qırğızıstanda yeni əsginaslar dövriyyəyə buraxılıb
Bakı, 15 fevral, AZƏRTAC
Fevralın 15-də Qırğızıstanda milli valyutanın beşinci seriyasının 20, 50 və 100 som nominalında əsginasları dövriyyəyə buraxılıb.
AZƏRTAC xəbər verir ki, Qırğızıstan Milli Bankının məlumatına görə, milli valyutanın yeni əsginaslarında incəsənət və mədəniyyət nümayəndələrinin portretləri, respublikanın görməli yerləri, əsas rəngi və ölçüsü dəyişməz saxlanılıb. Eyni zamanda, onlara saxtalaşdırmaya qarşı etibarlı müdafiəni təmin edən üç səviyyəli müasir təhlükəsizlik elementləri əlavə olunub.
Əvvəlki illərdə buraxılan əsginaslar Qırğızıstan ərazisində rəsmi ödəniş vasitəsi olaraq qalacaq.
Bölmənin digər xəbərləri
