“QİYAMƏT GÜNÜNÜN ANBARI” DOLUR
Bakı, 13 iyul (AZƏRTAC). Arktikada, Şpitsbergen arxipelaqında yerləşən “Qiyamət gününün anbarı”na Şimali Amerika bitkilərinin, o cümlədən Çili bibərinin müxtəlif sortlarının və sorqo dənli bitkisinin toxumları gətirilmişdir.
“Qiyamət gününün anbarı” 2008-ci il fevralın 26-da açılmışdır. Qayanın içində yonulmuş anbar güclü zəlzələyə və atom bombasına davam gətirmək iqtidarındadır.
Toxumları anbara ABŞ Konqresinin, Avropada Təhlükəsizlik və Əməkdaşlıq üzrə Amerika Helsinki Komissiyasının təmsilçilərindən ibarət nümayəndə heyəti gətirmişdir. Toxum nümunələrini isə ABŞ-ın Kənd Təsərrüfatı Nazirliyi təqdim etmişdir. Hazırda Şpitsbergendə 525 mindən çox taxıl bitkisinin nümunəsi saxlanılır ki, bu da anbarı dünyanın ən iri kənd təsərrüfatı bitkiləri kolleksiyasına çevirir.
Bölmənin digər xəbərləri
