“Qızıl ayaq” mükafatına namizəd 10 futbolçunun adı məlum olub
Bakı, 13 sentyabr, AZƏRTAC
Cari ildə “Qızıl ayaq” mükafatını almağa layiq olan 10 futbolçunun adı müəyyənləşib.
AZƏRTAC xəbər verir ki, mükafat yaşı 28-dən az olmayan və futbolun inkişafına töhfə vermiş oyunçuya təqdim ediləcək.
Namizədlərin siyahısına Lionel Messi, Lui Suares (hər ikisi “Barcelona”), Kriştiano Ronaldo, Serxio Ramos (“Real Madrid”), Manuel Noyer, Aryen Robben (“Bavariya”), İker Kasilyas (“Porto”), Tyaqo Silva (“PSJ”), Yaya Ture (“Mançester Citi”) və Andre Pirlo (“Nyu Yorks Siti”) daxildir.
Qalib səsvermə yolu ilə müəyyənləşdiriləcək. Mükafatın təqdim edilməsi mərasimi noyabrın 7-də Monakoda keçiriləcək.
Bölmənin digər xəbərləri
