Qobustanda yarım ildə 1934 yeni iş yeri açılıb
Qobustan, 19 iyul, AZƏRTAC
Qobustan rayonunda yeni iş yerlərinin açılması, əhalinin məşğulluğunun təmin olunması istiqamətində tədbirlər davam etdirilir.
Rayon icra hakimiyyətindən AZƏRTAC-a bildirilib ki, 2017-ci ilin birinci yarısında bölgədə 1934 təzə iş yeri açılıb ki, bundan 448-i daimidir. Daimi iş yerlərinin 442-si fiziki şəxslərdə, qalanı isə yeni fəaliyyətə başlayan müəssisədədir.
Qeyd edək ki, kənd təsərrüfatı rayonu olan Qobustanda istər bitkiçilikdə, istərsə də heyvandarlıqda xeyli mövsümi iş yeri açılır. Təkcə yarım ildə 1486 nəfər məhz bu cür işlərdə çalışıb.
Bölmənin digər xəbərləri
