Qubernator: Azərbaycan Gürcüstanın ən etibarlı strateji tərəfdaşıdır
Tbilisi, 12 aprel, AZƏRTAC
Azərbaycan Gürcüstanın ən etibarlı tərəfdaşıdır. Biz dəfələrlə bunun şahidi olmuşuq. COVID-19 virusunun tüğyan etdiyi bir dövrdə Azərbaycan şirkətlərinin Gürcüstanda yüzlərlə aztəminatlı ailəyə ərzaq yardımı göstərməsi bunu bir daha sübut edir.
Bu sözləri AZƏRTAC-a açıqlamasında Gürcüstanın Kvemo Kartli bölgəsinin qubernatoru Şota Rexviaşvili söyləyib.
Qubernator deyib ki, Azərbaycanın Gürcüstandakı səfirliyi və bizim ölkədə fəaliyyət göstərən Azərbaycanlı İş Adamları Birliyi (AZEBİ) Prezident İlham Əliyevin yardım və koronavirusa qarşı birgə mübarizə çağırışına qoşularaq xüsusi kampaniya başladıblar. Bu kampaniya çərçivəsində Gürcüstanın xüsusi karantin rejimində olan bölgələri də daxil olmaqla bir neçə bölgəyə yardım edilib.
Azərbaycan şirkətləri Gürcüstanın koronavirusla mübarizə fonduna da ianə köçürüblər.
Belə bir ağır gündə bu dost yardımına görə, mən Azərbaycan Prezidentinə, səfirliyə və AZEBİ-yə minnətdarlıq edirəm”, - deyə qubernator vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
