RABİTƏ VƏ İNFORMASİYA TEXNOLOGİYALARI NAZİRLİYİNDƏ KOLLEGİYA İCLASI KEÇİRİLMİŞDİR
Nazirlikdən AZƏRTAC-a bildirmişlər ki, kollegiyanı giriş sözü ilə açan nazir Əli Abbasov rüb ərzində görülmüş işlər və gələcək perspektivlər barədə danışmışdır.
Sonra nazirliyin maliyyə uçotu və iqtisadi təhlil şöbəsinin müdiri Rəşad Nəbiyevin məruzəsi, birlik və müəssisə rəhbərlərinin məlumatları dinlənilmişdir.
Kollegiyaya yekun vuran Əli Abbasov informasiya, kommunikasiya texnologiyalarının inkişafı üçün Prezident tərəfindən yüksək səviyyədə diqqət və qayğının göstərildiyini və geniş imkanların yaradıldığını bildirmiş, birinci rübün yekunlarını müsbət qiymətləndirmişdir. Bununla yanaşı, yeni texnologiyaların tətbiqinin vacibliyi vurğulanmış, əhalinin bu sahəyə olan tələbatının ödənilməsi üçün lazımi tədbirlərin görülməsinə dair tapşırıqlar verilmişdir.
Bölmənin digər xəbərləri
