Ramin Məmmədov: Azərbaycana Qərbdə də, Şərqdə də böyük inam və etimad var
Bakı, 7 noyabr, AZƏRTAC
Azərbaycan regionun ən güclü və etibarlı dövlətidir. Ölkəmiz buna Prezident İlham Əliyevin müdrik və uzaqgörən siyasəti, siyasi iradəsi, qətiyyəti sayəsində nail olub.
AZƏRTAC xəbər verir ki, bu sözləri Qərbi Azərbaycan İcmasının (QAİ) Gənclər Birliyinin sədri, Milli Məclisin deputatı, Azərbaycan Respublikasının Qarabağ bölgəsində yaşayan erməni sakinlərlə təmaslar üzrə məsul şəxs Ramin Məmmədov noyabrın 7-də icmada keçirilən tədbirdə səsləndirib.
R.Məmmədov bildirib ki, 44 günlük Vətən müharibəsi zamanı qazanılan Qələbə ilə Azərbaycan regionun yeni reallığını yaradıb.
Ölkəmizin dünyada nüfuzunun getdikcə artdığını qeyd edən İcmanın Gənclər Birliyinin sədri Azərbaycana Qərbdə də, Şərqdə də böyük inam və etimad olduğunu vurğulayıb.
Bölmənin digər xəbərləri
