RASİM OCAQOVUN FİLMLƏRİNİN RETROSPEKTİVİ
Xalq artisti, SSRİ və Azərbaycan SSR Dövlət mükafatları laureatı, “Şöhrət” ordenli Rasim Ocaqov yaradıcılıq yoluna “Azərbaycanfilm” kinostudiyasında quruluşçu operator kimi başlamışdır. R.Ocaqovun “Onun böyük ürəyi”, “Bizim küçə”, “Sən niyə susursan?”, “Bir cənub şəhərində”, “Skripkanın qaytarılması” və digər filmlərdəki operator işi müxtəlif nəsillərdən olan tamaşaçılara yaxşı tanışdır.
1973-cü ildən o, quruluşçu rejissor kimi fəaliyyətə başlamışdır. Rasim Ocaqovun bədii filmləri arasında tarixi mövzularda, tanınmış yazıçıların əsərləri əsasında çəkilmiş filmlər, detektiv filmlər də var. Onun Rüstəm İbrahimbəyovun və Anarın ssenariləri əsasında çəkdiyi filmlərdə rolları Hamlet Xanızadə, Muxtar Maniyev, Fəxrəddin Manafov, Aleksandr Kalyagin, İrina Kupçenko, Liya Axecakova və başqaları ifa etmişlər.
Bölmənin digər xəbərləri
