Rauf Zeyni: Əməkdaşlığımızı dövlətçiliyimizin daha da möhkəmlənməsi istiqamətində gücləndirməliyik
Bakı, 1 noyabr, AZƏRTAC
Müzəffər Ali Baş Komandan, Prezident İlham Əliyevin rəhbərliyi ilə şanlı Zəfər qazandıq. Bu günlərdə Zəfərimizin ildönümünü qürurla qeyd edəcəyik.
AZƏRTAC xəbər verir ki, bunu Milli QHT Forumunun prezidenti Rauf Zeyni noyabrın 1-də “Parlament-QHT əməkdaşlığının gücləndirilməsi” mövzusunda keçirilən ictimai dinləmədə söyləyib.
Milli QHT Forumunun prezidenti deyib ki, öz gücü ilə torpaqlarını işğaldan azad edən, hazırda həmin ərazilərdə möhtəşəm bərpa və quruculuq işləri aparan Azərbaycan güclü dövlətdir.
“Biz əməkdaşlığımızı dövlətimizin, dövlətçiliyimizin daha da möhkəmlənməsi istiqamətində gücləndirməliyik.
Azərbaycanın milli maraqlarının, təhlükəsizliyinin qorunması istiqamətində üzərimizə düşən vəzifənin öhdəsindən layiqincə gələcəyik”, - deyə Rauf Zeyni vurğulayıb.
Bölmənin digər xəbərləri
