“Real Madrid” dünyanın ən varlı futbol klubudur
Bakı, 22 yanvar, AZƏRTAC
Madridin “Real” klubu ardıcıl 11 ildir dünyanın ən gəlirli futbol komandası seçilir.
AZƏRTAC xəbər verir ki, “Deloitte” auditor şirkətinın statistik qənaəti belədir. 2014/2015-ci il futbol mövsümünün yekununa əsasən, “Kral” klubunun gəliri 577 milyon avro təşkil edib. Bu, əvvəlki illə müqayisədə 27,5 milyon avro artım deməkdir. Reytinq siyahısında ikinci yeri digər İspaniya klubu “Barselona” (560,8 milyon avro) tutur. Üçüncü pillədə isə İngiltərə təmsilçisi “Mançester Yunayted” (519,5 milyon avro) qərarlaşıb.
Ümumilikdə, planetin ən varlı ilk iyirmiliyində ötən mövsüm beş milyard dollardan artıq gəlir əldə edən yalnız Avropa komandaları yer alıb. İstənilən halda, budəfəki göstərici yeni rekord kimi qələmə verilib. Statistik hesablamada turnirlərdə iştirak, sponsor və reklam müqavilələri, bilet və klub atributlarının satışı, eləcə də yayım hüququnun icrasından əldə olunan gəlirlər əsas götürülüb.
Bölmənin digər xəbərləri
