REGİONLARDA GƏNCLƏRİ ZƏRƏRLİ VƏRDİŞLƏRDƏN ÇƏKİNDİRMƏK ÜÇÜN MAARİFLƏNDİRMƏ İŞLƏRİ APARILIR
Bakı, 9 iyun (AZƏRTAC). “Narkotizmlə Mübarizə” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə “Region gənclərini zərərli vərdişlərdən çəkindirmək məqsədi ilə hüquqi maarifləndirmə işinin gücləndirilməsində sağlam həyat tərzinin təbliği və zərərli vərdişlərin profilaktikası” adlı layihə həyata keçirmişdir.
İctimai Birlikdən bildirmişlər ki, Şəki və Qax rayonlarını əhatə edən layihənin məqsədi zərərli vərdişlərlə mübarizədə gənclərin rolunu artırmaq, maarifləndirmə və narkomaniyaya qarşı mübarizə tədbirlərini gücləndirməkdir.
Layihə çərçivəsində sağlam həyat tərzi nədir, pis vərdişlər, siqaretin zərərli təsirləri, spirtli içkilərə aludəçilik və bu bəlaların mənfi nəticələri, narkotiksiz dünya daha gözəldir, QİÇS-dən necə qorunmalı və digər mövzularda məruzələr oxunmuş, əyani vəsaitlər nümayiş etdirilmişdir. Gənclərə bu mövzuların əks olunduğu təbliğat materialları paylanmışdır.
Bölmənin digər xəbərləri
