Rəqəmsal cinayət prosesi özündə müəyyən riskləri gətirə bilər
Bakı, 2 aprel, AZƏRTAC
Rəqəmsal cinayət prosesi özündə müəyyən riskləri gətirə bilər. Birinci risk odur ki, rəqəmsal cinayət prosesində insanın kontaktları azalır. Proseslərin süniləşdirilməsi və avtomatlaşdırılması nəticəsində insan hüquqları və azadlıqlarının qorunması çətinləşə bilər.
AZƏRTAC xəbər verir ki, bunu Azərbaycan Respublikası Prezidentinin Administrasiyasının Qanunvericilik və hüquq siyasəti şöbəsinin müdiri, Azərbaycan Respublikasının Birinci vitse-prezidentinin köməkçisi Gündüz Kərimov aprelin 2-də keçirilən “Rəqəmsal cinayət prosesi: Müasir çağırışlar və hədəflər" mövzusunda keçirilən konfransda deyib.
Onun sözlərinə görə, həmçinin rəqəmsal cinayət prosesinin gələcəkdə inkişafı və tətbiqi, təkcə mövcud metodların elektronlaşması və rəqəmsallaşmasına deyil, yeni həm effektiv mühakimə, həm də effektiv müdafiə mexanizmlərinin yaradılmasına səbəb ola bilər.
Bölmənin digər xəbərləri
