RESPUBLİKADA “QUŞ QRİPİ” XƏSTƏLİYİ İLƏ BAĞLI EPİZOOTİK VƏZİYYƏT SABİTDİR
Kənd Təsərrüfatı Nazirliyi yanında Dövlət Baytarlıq Xidmətindən AZƏRTAC-a bildirmişlər ki, respublikamızda “quş qripi” xəstəliyi ilə bağlı epizootik vəziyyət sabitdir. Köçəri və ev quşları arasında bu xəstəliyin hər hansı bir tipinə təsadüf edilməmişdir. Bu amillər və quşların miqrasiyası əsas götürülərək, növbəti monitorinq noyabrda keçiriləcəkdir.
Xatırladaq ki, cari ildə keçirilmiş 4 monitorinq zamanı seçmə üsulla ovlanmış 91 baş çöl, 7 min 441 baş ev quşundan götürülmüş nümunələr Respublika Baytarlıq Laboratoriyasında müayinədən keçirilmiş və onların heç birində təhlükəli xəstəliyin əlamətləri aşkar edilməmişdir.
Bölmənin digər xəbərləri
