Robert Levandovski qeyri-müəyyən müddətə sıradan çıxıb
Bakı, 8 avqust, AZƏRTAC
İspaniyanın “Barselona” komandasının aparıcı futbolçusu Robert Levandovski sıradan çıxıb.
AZƏRTAC xəbər verir ki, bu barədə klubun rəsmi saytı məlumat yayıb.
Bildirilib ki, 36 yaşlı hücumçunun sol budunda əzələ ağrıları var. Polşalı forvard bu səbəbdən bazar günü Joan Qamper Kuboku uğrunda İtaliya təmsilçisi “Komo” ilə keçiriləcək matçı buraxacaq.
Təcrübəli futbolçunun hansı tarixdə yaşıl meydanlara qayıdacağı məlum deyil.
Qeyd edək ki, “Barselona” La Liqada yeni mövsümün ilk görüşünü avqustun 16-da “Malyorka”ya qarşı keçirəcək.
Bölmənin digər xəbərləri
