RUSİYA HƏRBİ XƏRCLƏRİ ARTIRIR
AZƏRTAC-ın Moskvadan aldığı xəbərə görə, 2005-ci ildə Rusiyanın milli müdafiə üçün xərcləri cari ildəkinə nisbətən 27,6 faiz artırılacaq və 528 milyard 83,4 milyon rubl olacaqdır. Bu, yeni il üçün büdcənin layihəsində nəzərdə tutulmuşdur.
Bildirilir ki, Rusiya Silahlı Qüvvələri üçün xərclər 383 milyard 43 milyon 700 min, nüvə silahı kompleksi üçün 8 milyard 600 milyon, hərbi-texniki əməkdaşlıq sahəsində beynəlxalq öhdəliklərin yerinə yetirilməsi üçün 6 milyard 231 milyon, müdafiə sahəsində tətbiqi elmi tədqiqatlar üçün 81 milyard 176 milyon rubl olacaqdır.
Bölmənin digər xəbərləri
