İQTİSADİYYAT
RUSİYA İLƏ TÜRKİYƏ ARASINDA TİCARƏT-İQTİSADİ ƏMƏKDAŞLIĞIN HƏCMİ ARTMIŞDIR
Ötən il ikitərəfli əmtəə dövriyyəsinin artımı 33,9 faiz təşkil etmiş və 6,8 milyard dollara çatmışdır. V.Fitin qeyd etmişdir ki, Rusiya ixracı Türkiyə idxalından xeyli yüksəkdir. RF-nin xeyrinə müsbət ticarət saldosu artır. 2003-cü ildə bu göstərici 3 milyard dollardan bir qədər artıq olduğu halda, 2004-cü ilin birinci yarısında elə həmin rəqəmə yaxınlaşmışdır. Yaranmış vəziyyət göndərilən enerji daşıyıcılarının və ilk növbədə, qazın həcminin artması ilə əlaqədardır, çünki Rusiya ixracının 70 faizindən çoxu hələ də enerji daşıyıcılarının payına düşür.
V. Fitin demişdir ki, ikitərəfli münasibətlərdə kəskin qeyri-tarazlıq yoxdur, çünki xarici ticarətdə Türkiyə üçün mənfi saldo, məsələn, onun turizimdən əldə etdiyi gəlir hesabına ödənilir. Bundan əlavə, ildə 3 milyard dollarlıq “qeyri-rəsmi” ticarət də mövcuddur.