Rusiya Səhiyyə Nazirliyi koronavirusun müalicəsi ilə bağlı yeni tövsiyələr irəli sürüb

09.04.2020 [16:57]
Çap et
A⁺ A^-

Moskva, 9 aprel, AZƏRTAC

Rusiya Səhiyyə Nazirliyi yeni növ koronavirusun profilaktikası, diaqnostikası və müalicəsi üçün yeni tövsiyələr irəli sürüb.

AZƏRTAC xəbər verir ki, tövsiyələrdə koronavirusun müalicəsi üçün əvvəl təklif olunan dərmanlara əlavələr edilib. İndi Rusiya səhiyyəsinə koronavirusun yaratdığı xəstəliyi “Hidroksixloroxin”, “Xloroxin”, “Mefloxin” , “Azitromusin”, “Nadroparin kalsi”, “Totsilizumab”, “Lopinavir plyus ritonavir”, rekombinant interferon alfa və rekombinat inerferon beta-1b preparatları ilə müalicə etmək tövsiyə olunur.

Nazirlikdən “Umiferon”, “Remdesevir”, “Favipiravir” preparatlarının hazırda kliniki sınaqdan keçirildiyi qeyd olunub. Rusiya Səhiyyə Nazirliyi COVID-19 xəstəliyinin göstərilən dərmanlarla terapiyasının müsbət nəticələri barədə dəqiq məlumat olmadığından, onların yalnız həkim komissiyasının qərarı ilə tətbiqini tövsiyə edir.

Fəridə Abdullayeva

AZƏRTAC-ın xüsusi müxbiri

Moskva