Rusiyada koronavirus xəstələrinin sayı 800 mini ötüb
Moskva, 25 iyul, AZƏRTAC
Ötən gün Rusiyada 5 min 871 nəfərdə koronavirus infeksiyası aşkar edilib.
AZƏRTAC xəbər verir ki, gün ərzində 146 xəstə vəfat edib, 8 min 366 nəfər sağalaraq evə buraxılıb. Ən çox yoluxma halı Moskvada (648) qeydə alınıb.
Rusiyada bütün dövr ərzində koronavirus infeksiyasına yoluxanların ümumi sayı 806 min 720 nəfərə çatıb, sağalanların sayı 597 min 140 nəfərdir, 13 min 192 pasiyent vəfat edib.
Rusiya COVID-19 xəstələrinin sayına görə ABŞ, Braziliya və Hindistandan sonra dördüncü yeri tutur.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
