Rusiyalı idmançı Bakıdakı UFC turnirində qələbə qazanıb
Bakı, 21 iyun, AZƏRTAC
Bakıda keçirilən UFC döyüş gecəsi davam edir.
AZƏRTAC xəbər verir ki, Bakı Kristal Zalında təşkil olunan turnirin dördüncü görüşü yarım yüngül çəkidə çıxış edən Melissa Mallins (İngiltərə) ilə Darya Jeleznyakova (Rusiya) arasında olub.
Üç raundun sonunda rusiyalı idmançı qələbəyə sevinən tərəf olub.
Qeyd edək ki, gecənin əsas döyüşləri saat 23:00-dan etibarən start götürəcək. Əsas qarşılaşma keçmiş UFC yarım ağır çəki çempionu Camal Hill ilə keçmiş titul iddiaçısı Xalil Rauntri arasında olacaq. Gecənin ikinci ən vacib döyüşü Azərbaycan təmsilçisi Rafael Fiziyevlə çilili İqnasio Bahamondes arasında yüngül çəkidə baş tutacaq.
Turnir çərçivəsində, həmçinin Azərbaycan təmsilçiləri Nazim Sadıxov və Tofiq Musayev də oktaqona çıxacaqlar. Onlar müvafiq olaraq, braziliyalı Nikolas Motta və qırğızıstanlı Mıqtıbek Orolbayla qarşılaşacaqlar.
Bölmənin digər xəbərləri
