Rusiyanın iqtisadi inkişaf nazirinin apreldə Bakıya səfəri planlaşdırılır
Bakı, 2 mart, AZƏRTAC
Rusiyanın iqtisadi inkişaf naziri Maksim Oreşkin apreldə Bakıya səfər etməyi planlaşdırır.
AZƏRTAC bu barədə Rusiya mətbuatına istinadla xəbər verir.
Nazir qeyd edib ki, ölkələrimiz arasında ticarət-iqtisadi münasibətlər sürətlə inkişaf edir. Bu istiqamət üzrə Azərbaycanla əlaqələrin gücləndirilməsinə kömək edən xüsusi qrup yaratmışıq. Bizim üçün Azərbaycanla qarşılıqlı münasibətlər çox önəmlidir. "Aprel ayında Bakıya yenidən səfər etməyi planlaşdırıram. Rusiya ilə Azərbaycan aktiv əməkdaşlıq edir, bir çox mühüm layihələr nəzərdən keçirilir. Səfər zamanı Azərbaycanın hökumət nümayəndələri ilə rəsmi danışıqlar aparılacaq. Ümid edirəm ki, bizim daha çox birgə layihələrimiz yaranacaq", - deyə Rusiyanın iqtisadi inkişaf naziri bildirib.
Qeyd edək ki, ötən ilin sonunda M.Oreşkinin başçılıq etdiyi nümayəndə heyəti Bakıda işgüzar səfərdə olub. Səfər zamanı Rusiya-Azərbaycan və Azərbaycan-Rusiya işgüzar şuralarının geniş iclası və Azərbaycanda Rusiya İxrac Mərkəzinin nümayəndəliyinin açılışı keçirilib.
Bölmənin digər xəbərləri
