RUZVELT, ÇÖRÇİLL VƏ STALİNİN NƏVƏLƏRİ UKRAYNADA BİR ARAYA GƏLDİLƏR
Ceyms Ruzvelt (ABŞ Prezidentinin nəvəsi), Uinston Çörçill (Böyük Britaniya Baş nazirinin nəvəsi) və Aleksandr Burdonski (İosif Stalinin nəvəsi) Ukrayna mesenatları tərəfindən ucaldılan Ümummilli xatirə kompleksinin yaradılmasına öz töhfələrini verəcəklər.
Bu gün çoxları “qəsbkarlar” və “müdafiəçilər”, “məğlublar” və “qaliblər” kimi anlayışları dəyişdirərək, İkinci dünya müharibəsinin tarixini yenidən yazmaq istəyirlər. İndi tez-tez deyirlər ki, öz vətəni uğrunda canından keçmiş dünənki qəhrəmanlar əsla qəhrəman deyil, “işğalçı”lardır. Eyni zamanda, insanların qanına susamışları və onların qanını tökənləri qəhrəman elan etmək niyyətinə düşənlər də tapılır...
Lakin çox arzu edilsə də, çox səylər göstərilsə də, tarixi yenidən yazmaq mümkün deyildir.
61 il əvvəl Yaltada, məhz Ukrayna torpağında İosif Stalin, Uinston Çörçill və Franklin Delano Ruzveltin imzaladıqları sənəd nəinki Avropanın yeni sərhədlərini cızdı, həm də bəşəriyyətin bütün tarixi ərzində ən viranedici müharibənin baiskarlarını dəqiq müəyyənləşdirdi. Bunu faşistlərin və onların əlaltılarının müharibə tonqallarında diri-diri yandırdıqları milyonlarla insanın müqəddəs ruhları tələb edirdi.
Britaniya, Amerika və sovet liderlərinin nəvələri Kiyevə “Babi Yar” Beynəlxalq Fondunun dəvəti ilə gəlmişlər. Onlar İkinci dünya müharibəsi qurbanlarının xatirəsini əbədiləşdirməklə məşğul olan bu fondun Əlaqələndirmə Şurasına daxildirlər.
Bölmənin digər xəbərləri
