Saatlıda tikinti işlərinin 78,2 faizi yenidənqurmanın payına düşüb
Saatlı, 13 avqust, Aydın Yavərzadə, AZƏRTAC
Saatlı rayonunda cari ilin altı ayı ərzində tikinti təşkilatları və fərdi sahibkarlar tərəfindən 4 milyon 594,6 min manat həcmində tikinti işləri yerinə yetirilib. Görülən tikinti işlərinin 3 milyon 594,7 min manatını və ya 78,2 faizini tikinti, yenidənqurma, genişləndirmə, texniki avadanlıqlar və cihazlarla yenidən təchiz edilməsi işləri, 305,5 min manatını və ya 6,7 faizini əsaslı təmir, 694,4 min manatını və ya 15,1 faizini isə cari təmir işləri təşkil edib.
Saatlı Rayon Statistika idarəsindən AZƏRTAC-ın bölgə müxbirinə bildirilib ki, bu ilin birinci yarısı ərzində istifadəyə verilən əsas fondların dəyəri 395,0 min manat təşkil edib.
2023-сü ilin yanvar-iyun ayları ərzində bütün maliyyə mənbələri hesabına əsas kapitala yönəldilən investisiyanın həcmi 2 milyon 457,3 min manat olaraq əvvəlki ilin müvafiq dövrü ilə müqayisədə 13,9 faiz çox olub. İstifadə olunan investisiyanın 2 milyon 028,6 min manatı və ya 82,6 faizi dövlət vəsaiti, 428,7 min manatı və ya 17,4 faizi isə qeyri dövlət vəsaitləri hesabına olub.
Cari ilin yanvar-iyun ayları ərzində əhalinin şəxsi vəsaiti hesabına ümumi sahəsi 1221,0 kv.m olan fərdi yaşayış evləri istifadəyə verilib.
Bölmənin digər xəbərləri
