Sabahdan metronun “Bakmil” stansiyasında qatarların hərəkət cədvəli dəyişdirilir
Bakı, 29 noyabr, AZƏRTAC
Noyabr ayının 30-dan “Bakı Metropoliteni” QSC-nin “Həzi Aslanov” stansiyasının dalanında təmir işləri ilə əlaqədar metronun Qırmızı və Yaşıl xətlərində qatarların hərəkət qrafiki dəyişdiriləcək.
QSC-dən AZƏRTAC-a bildirilib ki, buna müvafiq olaraq “Bakmil” stansiyası və əks istiqamətdə qatarların hərəkət cədvəlinə də dəyişikliklər ediləcək.
İş, şənbə və bazar günləri olmaqla qatarların hərəkət cədvəli “Bakı Metropoliteni” QSC-nin rəsmi internet səhifəsinin müvafiq bölməsində dərc edilir.
Nazirlər Kabinetinin qərarı ilə elan edilən qeyri-iş, habelə bayram günləri ilə bağlı sərnişinlərə əlavə məlumatlar təqdim ediləcək.
Bölmənin digər xəbərləri
