Sablyaçılarımız dünya kubokunun mərhələ yarışını səkkizinci pillədə başa vurublar
Bakı, 7 mart, AZƏRTAC
Qılıncoynatmanın sablya növü üzrə qadınlardan ibarət milli komandamız Yunanıstanın paytaxtı Afinada keçirilən dünya kubokunun mərhələ yarışında iştirakını başa vurub.
Azərbaycan Qılıncoynatma Federasiyasının mətbuat xidmətindən AZƏRTAC-a bildiriblər ki, Anna Başta, Sevil Bünyatova, Palina Kaspiaroviç və Valeriya Bolşakovadan ibarət kollektiv komanda yarışında ilk görüşündə Argentina yığmasına 45:26 hesabı ilə qalib gəlib.
Komandamız ardınca ən güclü 8-liyə yüksəlmək uğrunda keçirilən görüşdə Polşa millisini 45:39 hesabı ilə məğlub edib.
Sablyaçılarımız yarımfinala yüksəlmək uğrunda keçirilən qarşılaşmada Fransa seçməsinə 24:45 hesabı ilə uduzublar.
Yığmamız 5-8-ci yerlər uğrunda keçirilən görüşlərdə İspaniya (40:45) və Yunanıstan millilərinə (29:45) məğlub olaraq turniri səkkizinci sırada başa vurub. Hazırda qılıncoynatmanın sablya növü üzrə qadınlardan ibarət milli komandamız dünya reytinqində yeddinci sırada qərarlaşıb.
Bölmənin digər xəbərləri
