SAFE fondundan müdafiə üçün ən az vəsait istəyən ölkə məlum olub
Praqa, 27 aprel, AZƏRTAC
Çexiya Avropa İttifaqının müdafiə təşəbbüsü olan SAFE fondu çərçivəsində ən az maliyyə istəyən ölkə olub.
AZƏRTAC xəbər verir ki, bu barədə “Radio Prague” bildirib.
Məlumata görə, bu ölkənin təqdim etdiyi müraciət Slovakiya ilə müqayisədə daha təvazökar, Polşa və Macarıstanın sorğuları ilə isə müqayisə olunmayacaq dərəcədə aşağıdır.
Ekspertlər hesab edirlər ki, Praqa hökuməti ehtiyatlı mövqe tutaraq böyük borclanmalardan çəkinir.
SAFE mexanizmi Avropa ölkələrinə müdafiə sahəsində investisiyalar üçün güzəştli kreditlər təqdim edir və hərbi sənayenin inkişafını stimullaşdırmağa yönəlib.
Eyni zamanda, Avropa İttifaqı Şurası bu proqram çərçivəsində Çexiya üçün milyardlarla avro həcmində mümkün maliyyə ayırmalarını artıq təsdiqləyib. Bu vəsaitlərin ölkənin müdafiə qabiliyyətinin gücləndirilməsinə və müasir texnikanın alınmasına yönəldilməsi gözlənilir.
Mütəxəssislər qeyd edirlər ki, aşağı sorğu Çexiyanın müdafiə xərcləri və büdcə prioritetləri ilə bağlı daha geniş strategiyasını əks etdirir.
Bölmənin digər xəbərləri
