Bakı, 1 noyabr, AZƏRTAC

Qırx dörd günlük Vətən müharibəsində Zəfər qazanmağımızın əsas səbəbi məhz milli birliyimiz, həmrəylimiz oldu.

AZƏRTAC xəbər verir ki, bunu Milli Məclisin İctimai birliklər və dini qurumlar komitəsinin üzvü Sahib Alıyev noyabrın 1-də “Parlament–QHT əməkdaşlığının gücləndirilməsi” mövzusunda keçirilən ictimai dinləmədə söyləyib.

Deputat qeyd edib ki, 2018-ci ildə Azərbaycan Prezidentinin başlatdığı islahatların məqsədi məhz yeni cəmiyyət quruculuğu idi. Həmin proses indi də davam edir. Bu prosesdə QHT-lərin rolu xüsusilə önəmlidir.

Azərbaycanda ictimai əxlaqın formalaşmasında QHT-lərin rolundan danışan S.Alıyev parlament və vətəndaş cəmiyyətləri arasında əməkdaşlığın genişləndirilməsinin vacibliyini vurğulayıb.