SAHİBKARLARA VERİLƏN KREDİTLƏRİN HƏCMİ ARTMIŞDIR
İqtisadi İnkişaf Nazirliyinin Şəki-Zaqatala regional inkişaf şöbəsindən AZƏRTAC-ın müxbirinə bildirmişlər ki, Sahibkarlığa Kömək Milli Fondu tərəfindən 2002-2005-ci illər ərzində bu iqtisadi rayonun kiçik və orta sahibkarlıq subyektlərinin kredit ehtiyaclarının ödənilməsi üçün təqdim olunan 422 layihə üzrə ümumilikdə 28 milyard manata yaxın güzəştli kredit verilmişdir.
Kreditlərin 13,8 milyard manatı kənd təsərrüfatının, 11 milyard manatı isə sənaye sahəsinin inkişafına yönəldilmişdir. Həmin dövrdə iqtisadi rayon üzrə turizmin inkişafına 2,3 milyard manat, sənətkarlıq sahəsinə 836 milyon manat, xidmət sahələrinə isə 583 milyon manat həcmində kredit verilmişdir.
