ŞAHMATÇILARIMIZ AVROPA ÇEMPİONATINA UĞURLA BAŞLAMIŞDIR
Oktyabrın 11-də Bolqarıstanın Plovdiv şəhərində başlamış şahmat üzrə Avropa çempionatında Azərbaycanın kişilərdən ibarət yığma komandası ilk görüşdə qələbə qazanmışdır. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, İsveçrə sistemi üzrə keçirilən çempionatın birinci turunda komandamız şotlandiyalılara 3:1 hesabı ilə qalib gəlmişdir. Teymur Rəcəbov və Şəhriyar Məmmədyarov rəqiblərinə qalib gəlmiş, Qadir Hüseynov və Rəsul İbrahimov isə heç-heçə oynamışlar.
Zeynəb və Türkan Məmmədyarova bacılarından ibarət qadın yığma komandamız ukraynalılarla görüşü heç-heçə başa çatmışdır.
İkinci turda kişilərdən ibarət komandamız isveçrəlilər, qadınlarımız isə Almaniya komandası ilə görüşəcəklər.
Bölmənin digər xəbərləri
