ŞAHMATÇILARIMIZ NÖVBƏTİ QƏLƏBƏ QAZANMIŞLAR
Azərbaycanın kişilərdən ibarət şahmat yığma komandası Bolqariyanın Plovdiv şəhərində keçirilən Avropa çempionatının beşinci turunda dünyanın ən güclü komandalarından olan Sloveniya komandasını 2,5:1,5 hesabı ilə məğlubiyyətə uğratmışdır. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, əvvəlki turda Qadir Hüseynov öz rəqibinə qalib gəlmiş, Şəhriyar Məmmədov, Teymur Rəcəbov və Rəsul İbrahimov isə heç-heçə oynamışlar. İndi şahmatçılarımız Rusiya komandasından sonra ikinci yeri tuturlar. Onlar 6-cı turda rusiyalılarla görüşəcəklər.
Zeynəb və Türkan Məmmədyarova bacılarından ibarət qadın yığma komandamız isə hələ də uğursuz çıxış edir. Onlar beş turdan sonra 27-ci yerdədirlər.
Altıncı turun oyunları oktyabrın 17-də olacaqdır.
Bölmənin digər xəbərləri
