ŞAHMATÇILARIN RESPUBLİKA ÇEMPİONATINDA NÖVBƏTİ OYUNLAR KEÇİRİLMİŞDİR
Bakı, 19 yanvar (AZƏRTAC). Kişi şahmatçılar arasında keçirilən respublika çempionatında 6 tur oynanılmışdır.
Respublika Şahmat Mərkəzindən bildirmişlər, bu turda Nicat Məmmədov, Rəşad Babayev, Rəsul İbrahimov və Loğman Quliyev aktivlərinə 1 xal yazmışlar. Turnirin liderləri Vasif Durarbəyli və Vüqar Rəsulov isə rəqiblərinə uduzmuşlar.
Turnir cədvəlinə 4 xalla V.Durarbəyli, V.Rəsulov və R.Babayev başçılıq edirlər.
Qadın şahmatçıların respublika çempionatında isə 7 tur keçirilmişdir.
Yeddinci tur çərçivəsində Səbinə İbrahimovanı məğlubiyyətə uğradan Nərmin Kazımova nəticədə 6 xal toplayaraq ən yaxın izləyicisini 1,5 xal qabaqlamışdır. Zeynəb Məmmədyarova 4,5 xalla ikinci pillədə qərarlaşmışdır.
Bölmənin digər xəbərləri
