Şahmatçımız Ayan Allahverdiyeva U-18 dünya birinciliyində gümüş medal qazanıb
Bakı, 17 sentyabr, AZƏRTAC
Rumıniyanın Mamaya şəhərində 14, 16 və 18 yaşlı şahmatçılar arasında dünya birinciliyi keçirilib.
Azərbaycan Şahmat Federasiyasının mətbuat xidmətindən AZƏRTAC-a bildiriblər ki, şahmatçımız Ayan Allahverdiyeva 18 yaşlı qızların yarışında gümüş medal qazanıb.
Digər təmsilçilərimiz Nərmin Abdinova, Şiroğlan Talıbov və Xəzər Babazadə müxtəlif kateqoriyalarda ilk onluqda qərarlaşıblar.
Şahmatçılarımız sonuncu dəfə 18 yaşadək idmançılar arasında dünya çempionatında 2013-cü ildə medala layiq görülüblər. Həmin il Səbinə İbrahimova üçüncü yeri tutub.
Bölmənin digər xəbərləri
