Sait Yusuf: Forumda Türk dünyasının mədəniyyəti ilə bağlı məsələlər müzakirə olunacaq
Şuşa, 13 oktyabr, Gülay Nəzərova, AZƏRTAC
Hazırda Şuşada iki tədbir keçirilir, onlardan biri I Türk Dünyası Mədəniyyət Forumu, digəri isə TÜRKSOY-un Mədəniyyət Nazirləri Daimi Şurasının 40-cı iclasıdır. Hər ikisi önəmli hadisələrdir.
AZƏRTAC xəbər verir ki, bu sözləri jurnalistlərə müsahibəsində qədim Şuşa şəhərində Birinci Türk Dünyası Mədəniyyət Forumunda iştirak edən TÜRKSOY Baş katibinin müavini Sait Yusuf deyib.
S.Yusufun sözlərinə görə, forumda Türk dünyasının mədəniyyəti ilə bağlı məsələlər müzakirə olunacaq. Ekspertlər Türk dünyasının birliyi, birgə layihələri və s. məsələləri müzakirə edib, qərarlar qəbul edəcəklər.
“Biz, həmçinin otuz yaşı tamam olan Türk Mədəniyyət Təşkilatının - TÜRKSOY-un Şuşada qırxıncı növbəti iclasında gələcəkdəki planlar layihələr və digər məsələlər haqqında danışacağıq. Üzv ölkələrin mədəniyyət nazirlərinin və ya nazir müavinlərinin iştirakı ilə TÜRKSOY-un Türk dünyası ilə qarşıdakı dövrdə Daimi Şurada həyata keçirəcəyi birgə mədəni layihələr barədə müzakirələr aparacaq, qərarlar qəbul edəcəyik”, - deyə təşkilatın Baş katibinin müavini söyləyib.
Bölmənin digər xəbərləri
