“Samsung” uzun müddət avtonom işləyə biləcək “Galaxy M12” smartfonunu hazırlayır
Bakı, 14 dekabr, AZƏRTAC
“Samsung” şirkəti uzun müddət avtonom işləyə biləcək yeni “Galaxy M12” smartfonunu hazırlayır.
AZƏRTAC xarici saytlara istinadla xəbər verir ki, orta qiymət seqmentinə aid olan smartfon “Exynos 850” prosessoru, aparatın standart versiyası isə 3 GB əməli yaddaşla təchiz ediləcək. “Geekbench 5” məhsuldarlıq testində “Galaxy M12” aparatı birnüvəli testdə 178, çoxnüvəli testdə isə 1025 bal toplayıb. “HD+” təsvir ölçülü ekranın diaqonalı 6,5 düym təşkil edəcək. Telefonda “iPhone 12” stilində tərtib edilmiş kvadrokamera reallaşdırılacaq. “Samsung Galaxy M12” aparatı 7000 milliamper/saat tutumlu batareya ilə təchiz ediləcək. Enerjidoldurma “Type-C” portu vasitəsilə reallaşdırılacaq.
Sözügedən smartfonun 2021-ci ilin əvvəlində satışa çıxarılması gözlənilir.
Bölmənin digər xəbərləri
