“Schlumberger” şirkətinin nümayəndələri RSXM-də olmuşlar
Bakı, 7 sentyabr (AZƏRTAC). Azərbaycan Milli Elmlər Akademiyası (AMEA) Respublika Seysmoloji Xidmət Mərkəzinin (RSXM) qısa müddətdə əldə etdiyi uğurlar xarici ölkələrin seysmoloqları tərəfindən maraqla qarşılanır.
RSXM-in mətbuat xidmətindən AZƏRTAC-a bildirmişlər ki, dünyada tanınmış şirkətlərdən olan “Schlumberger” şirkətinin nümayəndələri sentyabrın 7-də Respublika Seysmoloji Xidmət Mərkəzində olmuşlar.
Görüşdə “Schlumberger” şirkətinin Bakı ofisinin rəhbəri Samirə Bağırova bildirmişdir ki, bu qurumun əməkdaşları AMEA Respublika Seysmoloji Xidmət Mərkəzində aparılan kompleks seysmoloji, geofiziki və geokimyəvi tədqiqatların nəticələrini müsbət qiymətləndirirlər. Həmçinin şirkət bu sahədə AMEA RSXM ilə əməkdaşlıq etməyə maraq göstərir.
Daha sonra “Schlumberger” şirkətinin geoloji tədqiqatlar üzrə məsləhətçisi Darko Spahic və geofiziki sahə üzrə texniki eksperti Yekatirina Soloxa öz paket proqramlarını təqdim etmişlər.
Təqdimatdan sonra tərəflər arasında geniş fikir mübadiləsi aparılmışdır.
Bölmənin digər xəbərləri
