SƏFƏR ZAMANI GƏNCLƏR TƏŞKİLATLARINDA KÖNÜLLÜLƏRİN FƏALİYYƏTİ ÖYRƏNİLMİŞDİR
Azərbaycan Gənc Hüquqşünaslar Birliyinin mətbuat xidmətindən AZƏRTAC-a verilən məlumat görə, qurumun sədri Ramil İsgəndərovun Fransa səfəri başa çatmışdır. O, Avropa İttifaqının Gənclər Proqramı çərçivəsində Fransa Milli Gənclər Agentliyinin dəvəti ilə Monpelye şəhərində olmuşdur.
Səfər zamanı Avropada fəaliyyət göstərən gənclər təşkilatlarında könüllülərin fəaliyyətinin səmərəliliyinin artırılması mexanizmləri və bu sahədə inkişaf etmiş ölkələrin, xüsusilə də Fransanın təcrübəsi öyrənilmişdir. Könüllülərin Azərbaycanda fəaliyyəti və gənclərimizin Avropa ölkələri təşkilatlarında təcrübə keçmələrinin mümkünlüyü məsələləri müzakirə olunmuşdur.
Bölmənin digər xəbərləri
