Səfərbərlik və Hərbi Xidmətə Çağırış üzrə Dövlət Xidmətində 20 Yanvar şəhidlərinin xatirəsi anılıb
Bakı, 19 yanvar, AZƏRTAC
Səfərbərlik və Hərbi Xidmətə Çağırış üzrə Dövlət Xidmətində 20 Yanvar faciəsinin 26-cı ildönümünə həsr olunan anım mərasimi keçirilib.
Dövlət Xidmətindən AZƏRTAC-a bildiriblər ki, əvvəlcə 20 Yanvar şəhidlərinin xatirəsi bir dəqiqəlik sükutla yad edilib.
Mərasimdə çıxış edən Xidmət rəisinin birinci müavini, general-mayor Zaur Abdullayev 20 Yanvarın Azərbaycan tarixinə qəhrəmanlıq səhifəsi kimi yazıldığını vurğulayıb. Tədbir iştirakçılarının əksəriyyətinin bu hadisələrin şahidi olduqlarını deyən Zaur Abdullayev 20 Yanvar faciəsinin dünya ictimaiyyətinə çatdırılmasında ümummilli lider Heydər Əliyevin xidmətlərindən danışıb.
Xidmət rəisinin birinci müavini qeyd edib ki, 20 Yanvar hadisələrinə siyasi-hüquqi qiymət məhz ümummilli lider Heydər Əliyevin tərəfindən verilib.
Anım mərasimi 20 Yanvar hadisələrinə həsr olunmuş “Qanlı Yanvar” filminin nümayişi ilə davam etdirilib.
Bölmənin digər xəbərləri
