Şəhid atası Bakı Sağlamlıq Mərkəzində əməliyyat olunub
Bakı, 20 aprel, AZƏRTAC
Azərbaycan Silahlı Qüvvələrinin Quru Qoşunlarının baş leytenantı qəhrəman şəhidimiz Azad Hümbətovunun atası Arif Hümbətov Bakı Sağlamlıq Mərkəzində əməliyyat olunub. Mərkəzin invaziv-radioloqu Ruslan Əliyev tərəfindən icra olunan əməliyyat uğurlu nəticə ilə yekunlaşıb.
AZƏRTAC Bakı Sağlamlıq Mərkəzinə istinadla bildirir ki, həkim xəstənin vəziyyətinin yaxşı olduğu və yaxın günlərdə evə buraxılacağını qeyd edib. Arif Hümbətovun vəziyyəti ilə daima yaxından maraqlanan mərkəzin icraçı direktoru Asiman Həsənov əməliyyatdan sonra da, klinikada müalicələri davam edən şəhid atasını ziyarət edib, onunla həmsöhbət olub. Vətən müharibəsi iştirakçısının atası Azərbaycanın ərazi bütövlüyünün müdafiəsi uğrunda yaralananlara, habelə şəhid ailəsi üzvlərinin sağlamlığının bərpası, onların müalicə prosesində göstərdiyi xüsusi diqqət və qayğı üçün Asiman Həsənov başda olmaqla bütün Bakı Sağlamlıq Mərkəzi kollektivinə öz minnətdarlığını bildirib.
Şəhid Azad Arif oğlu Hümbətov "Füzulinin azad olunmasına görə", "Xocavəndin azad olunmasına görə", "Vətən uğrunda" medalları və təltif edilib, "Vətən Müharibəsi Qəhrəmanı" adı verilib.
Bölmənin digər xəbərləri
