Səhiyyə Nazirliyi qastroenterologiya üzrə elmi-praktiki kurslar keçirir
Bakı, 9 sentyabr (AZƏRTAC). Səhiyyə Nazirliyi Bakı və bölgələrdə çalışan mütəxəssislər üçün elmi-praktiki kurslar keçirir.
Nazirliyin mətbuat xidmətindən AZƏRTAC-a verilən məlumata görə, kurslara Rusiya Federasiyasının Diplomdan Sonrakı Tibb Akademiyası ilə imzalanmış saziş əsasında sentyabrın 6-da başlanmışdır.
Akademiyanın professor və müəllimləri sentyabrın 28-dək Əziz Əliyev adına Həkimləri Təkmilləşdirmə İnstitutunda təşkil edilmiş kurslarda azərbaycanlı müdavimlərə qastroenterologiya üzrə elmi-praktiki məşğələlər keçəcəklər.
Bölmənin digər xəbərləri
