ŞƏHRİYAR MƏMMƏDYAROV TURNİRİN LİDERİ ALEKSANDR QRİŞUKLA HEÇ-HEÇƏ OYNAMIŞDIR
AZƏRTAC xəbər verir ki, mayın 2-də ümummilli lider Heydər Əliyevin 85-ci ildönümünə həsr olunan FİDE-nin Qran-Pri turnirində 10-cu turun oyunları olmuşdur.
Bu turda Azərbaycan şahmatçısı Şəhriyar Məmmədyarov turnirin lideri Aleksandr Qrişukla qarşılaşmış və rəqiblər 42-ci gedişdə xalları yarı bölmüşlər. Vüqar Həşimov Sergey Karyaginlə görüşdən 56-cı gedişdən sonra “sülh”lə ayrılmışdır. Teymur Rəcəbov isə İvan Çeparinovla mübarizədə 43-cü gedişdə təslim olmuşdur.
Digər qarşılaşmalar belə nəticələnmişdir: Ernesto İnarkiev - Maykl Adams 0,5:0,5, Maqnus Karlsen - David Navara 0,5:0,5, Peter Svidler - Etyen Bakro 0.5:0,5, Qata Kamski - Vanq Yu 0.5:0,5.
Bölmənin digər xəbərləri
