ŞƏKİ-ZAQATALA BÖLGƏSİNDƏ PARLAMENT SEÇKİLƏRİ DEMOKRATİK ŞƏRAİTDƏ KEÇİR
Dairə seçki komissiyalarından alınmış məlumatlara görə, bölgə əhalisi böyük əhəmiyyət daşıyan bu siyasi kampaniyada çox fəal iştirak edir. Saat 12.00-dək Şəki-Zaqatala bölgəsi üzrə seçicilərin artıq 20,7 faizi və ya 68 min 731 seçici səsvermədə iştirak etmişdir. Ayrı-ayrı dairələr üzrə səsvermənin ilkin nəticələri qənaətbəxşdir.
X X X
109 saylı Balakən dairə seçki komissiyasının sədri Vahid Əliyevin verdiyi məlumata görə, dairənin tərkibinə daxil olan 33 seçki məntəqəsi üzrə 36 min 69 seçici qeydə alınmışdır. Seçkilərin gedişini 310 yerli və 8 nəfər beynəlxalq müşahidəçi izləyir. Beynəlxalq qurumların nümayəndələri 22 məntəqədə exit-poll keçirir. Günorta saatlarınadək seçicilərin 16,1 faizi, yəni 5797 nəfər səs vermişdir.
X X X
110 saylı Zaqatala seçki dairəsi dairə seçki komissiyasının sədri Nurəddin Abdurzayevin məlumatına görə, bu dairənin 41 seçki məntəqəsinin hər birində səsvermə prosesi seçicilərin yüksək fəallığı şəraitində keçir. Saat 12.00-dək dairə üzrə 41 min 302 seçicinin 10 min 219 nəfəri və ya 24,7 faizi səsvermədə iştirak etmişdir. Seçkilərin gedişini 206 yerli və 8 nəfər beynəlxalq müşahidəçi izləyir.
X X X
111 saylı Zaqatala-Balakən seçki dairəsi üzrə Zaqatala rayonunda 27, Balakəndə isə 11 seçki məntəqəsi fəaliyyət göstərir. Seçicilərin ümumi sayı isə 38 min 649 nəfərdir. Günorta saatlarınadək seçicilərin 8 min 23 nəfəri və yaxud 20,7 faizi artıq seçimlərini etmişlər.
X X X
112 saylı Qax seçki dairəsi üzrə saat 12.00-dək 35 min 702 seçicinin 28,8 faizi və ya 10 min 58 nəfəri səsvermədə iştirak etmişdir. Səsvermənin şəffaf və demokratik keçməsi üçün 51 məntəqənin hamısı lazımi texniki vasitələrlə, o cümlədən mürəkkəb balonları və ultrabənövşəyi lampalarla təchiz olunmuşdur. Seçkilərin gedişini 288 nəfər yerli və 4 nəfər beynəlxalq müşahidəçi izləyir. ABŞ və Estoniyadan olan nümayəndələr dairənin 21 məntəqəsində exit-poll keçirirlər.
X X X
113 saylı Şəki şəhər seçki dairəsi seçki komissiyasının sədri İlham Qəhrəmanovun verdiyi məlumata görə, günorta saatlarınadək 27 seçki məntəqəsində 34 min 738 seçicinin 5184 nəfəri, yaxud 14,9 faizi səsvermədə iştirak etmişdir. Bu dairədə səsvermənin gedişini 480 nəfər yerli müşahidəçi ilə yanaşı, ATƏT missiyasının 2 üzvü və beynəlxalq müşahidəçilər izləyirlər.
X X X
114 saylı Şəki kənd birinci seçki dairəsindən verilən məlumata görə, saat 12.00-dək artıq seçicilərin 15,8 faizi və ya 5606 nəfər səsvermədə iştirak etmişdir. Dairənin əhatə etdiyi 40 məntəqə üzrə seçicilərin ümumi sayı isə 35 min 453 nəfərdir. 245 nəfər yerli müşahidəçi və məşvərətçi səs hüquqlu 80 nəfər komissiya üzvü dairədə qeydiyyatdan keçmişdir.
X X X
115 saylı Şəki kənd ikinci seçki dairəsindən alınmış məlumata görə, dairə üzrə saat 12.00-dək 33 min 941 seçicidən 7348 nəfəri və ya 21,6 faizi artıq öz seçimlərini etmişdir. Dairədə seçkilərin gedişini 300-dən çox yerli müşahidəçi, habelə beynəlxalq təşkilatların nümayəndələri izləyirlər.
X X X
116 saylı Qəbələ seçki dairəsi üzrə günorta saatlarınadək 36 min 236 seçicinin 7 min 815 nəfəri və ya 21,6 faizi səs vermişdir. Dairənin 45 seçki məntəqəsində səsvermənin gedişini 314 yerli və 4 nəfər beynəlxalq müşahidəçi, habelə məşvərətçi səs hüquqlu 92 nəfər komissiya üzvü izləyir. Dairənin 32 məntəqəsində exit-poll keçirilir.
X X X
117 saylı Oğuz-Qəbələ seçki dairəsindən verilən məlumata görə, səsvermə Oğuz rayonu üzrə 36 və Qəbələ rayonu üzrə 20 məntəqədə keçirilir. Seçicilərin ümumi sayı 38 min 812 nəfərdir. Saat 12.00-dək artıq seçicilərin 8 min 681 nəfəri və ya 22,3 faizi səsvermədə iştirak etmişdir.
Bölmənin digər xəbərləri
