Şəkidə arxeoloji tədqiqatlar aparılmışdır
Bakı, 26 avqust (AZƏRTAC). Azərbaycan Milli Elmlər Akademiyasının Arxeologiya və Etnoqrafiya İnstitutunun arxeoloji ekspedisiyası Şəki rayonunun Fazil kəndi ərazində yerləşən Yoncalı yaşayış yeri və nekropulunda təqribən 5-6 hektar ərazidə arxeoloji qazıntılar aparmışdır.
AZƏRTAC xəbər verir ki, tədqiqatlar nəticəsində Qafqazda antik dövr Albaniyasının tarixini izləmək mümkün olmuşdur. Müəyyən edilmişdir ki, nekropolun yuxarı hissəsi tamamilə qəbiristanlıqdır. Bu qəbiristanlığın tarixi Xocalı-Gədəbəy mədəniyyəti dövrü ilə oxşarlıq təşkil edir.
Qazıntılar aparılan ərazidə 5 arxeoloji abidə mövcuddur. Tarixi abidələr Mədəniyyət və Turizm Nazirliyində 2002-ci ildən qeydiyyatdadır və mühafizə olunur.
Bölmənin digər xəbərləri
