Şəmkirdə abonentlərin qaz təchizatında üzləşdiyi problemlər dinlənilib
Bakı, 15 fevral, AZƏRTAC
SOCAR “Azəriqaz” İstehsalat Birliyinin (İB) Şəmkir Rayon Qaz İstismar İdarəsinin əməkdaşları "Açıq mikrofon" aksiyası çərçivəsində rayonda abonentlərin qaz təchizatında üzləşdiyi problemləri dinləyib.
AZƏRTAC xəbər verir ki, aksiyada İlqar Həsənov qaz xəttinin, Rəfiqə İsgəndərova ilə Elxan Əsgərov isə fərdi yaşayış evlərində qaz sayğacının yerinin dəyişdirilməsini xahiş ediblər. Rayonun Aşağı Seyfəli kəndindən gələn 6 sakinin istəyi isə yeni salınmış yaşayış massivində küçə qaz xətlərinin çəkilməsindən ibarət olub.
Səsləndirilən hər bir müraciət aidiyyəti üzrə yönləndirilməsi üçün qeydiyyata alınıb.
Bölmənin digər xəbərləri
