Serbiya Prezidentinin oğlu koronavirusa yoluxub
Belqrad, 9 aprel, AZƏRTAC
Serbiya Prezidenti Aleksandr Vuçiçin oğlu koronavirusa yoluxub. Bu barədə məlumatı Prezident öz rəsmi “Instagram” profilində yazıb.
AZƏRTAC xəbər verir ki, Danilo Vuçiç koronavirus diaqnozu ilə Belqrad İnfeksion Xəstəliklər İnstitutuna yerləşdirilib. O, Prezidentin böyük övladıdır.
Aleksandr Vuçiç sosial şəbəkədə oğluna dəstək olaraq bunları yazıb: “Oğlum, sən buna qalib gələcəksən. Biz səni sevirik”.
Aygün Əliyeva
AZƏRTAC-ın xüsusi müxbiri
Belqrad
Bölmənin digər xəbərləri
